Салауатты өмір салтын ұстанамыз.

     Алматы қаласының №17 қалалық емханасында ҚазҰМҮ-ның балалар жұқпалы аурулары және амбулаторлық-емханалық педиатрия кафедраларының базасы орналасқан. Осы кафедралар қызметкерлері: доцент, м.ғ.қ. Досбаева Жанат Төленқызы және ассистент, м.ғ.қ. Ажахметова Мира Зекенқызы студентермен базада сабақ өткізіп, ауыр науқастарға кеңес беріп, дәрігер-ұстаз ретінде қызмет атқаруда.                                                            Кафедра қызметкерлері 3 жылдан аса емханада орналасып, емхананы тазалық бюлетеньдік  стендтермен безендіріп, дәрігерлерге семинарлар өткізуде үлкен үлес қосуда. Осы ұстаздар №17 емхана аясында студенттерді ұйымдастырып, әртүрлі мерекелік шараларды өткізді. Емхана Бостандық ауданында орналасқандықтан, осы ауданға қарайтын бірнеше балалар үйлері және арнайы мектеп-интернаттары бар. Осы мекемелерге кафедра қызметкерлері үнемі қайрымдылық көмек жасап, студенттер және интерн-дәрігерлермен салауатты өмір салтын насихаттайды. Соның бірі осы жылдың ақпан айында өткізілген қайырымдылық шаралары болып табылады. Ұстаз-дәрігерлердің  ұйымдастырумен №9 арнайы мектеп интернатында бірнеше рет оқушылармен кездесу өткізіліп, 601-2 топтың интерн-дәрігерлері салауатты өмір салтындағы тақырыптарда  хабарламалар  жасалынды.                                                                                                                         Мектеп қабырғасына арнап «Қышыма — Чесотка», «Вирусты гепатит А» туралы стендтер тапсырылды.                                                                                                                                                                                                 Мектеп оқушылары мен ұстаздар қызығушылықпен қабылдап өзара пікірталастар туғызды. Қойылған сұрақтарға нақты жауаптар алынды.                                                                                                                                                                 Қорытындылай келе, қазіргі таңда дәрігерлер әр пенденің маңдайына жазған кеселді емдеп қана қоймай, әрбір жанға жан жылуын беретін ақ халатты абзал жандар десек болады. Салауатты өмір салтын ұстанайық!

1 2 3

Комментарии запрещены.